Britney vill tala sjálf við dómara
Setja bókamerki
Lögmaður tónlistarkonunnar Britney Spears segir að tónlistarkonan hafi óskað eftir því að fá að tala sjálf við dómarann í lögráðamannsmáli sínu.
„Skjólstæðingur minn hefur óskað eftir áheyrn dómara þar sem hún getur sjálf komið máli sínu á framfæri,“ sagði Samuel Ingham í málsgögnum sem skilað var inn í gær. Hann óskaði eftir flýtimeðferð. Gert er ráð fyrir að fundurinn verði 23. júní.
Óljóst er hvort Spears muni koma fram í eigin persónu og hvað hún muni segja. Spears hefur áður gefið til kynna að hún vilji ekki að faðir hennar sé lögráðamaður hennar.
Faðir hennar, Jamie Spears, hefur verið lögráðamaður hennar frá árinu 2008. Hann steig tímabundið til hliðar árið 2019 vegna veikinda og í kjölfarið óskaði Britney eftir því að hann tæki ekki aftur við.
Undanfarið eitt og hálft ár hafa lögmenn Spears átt í stappi við föður hennar.
„Það er skiljanlegt að þolinmæði þeirra sé lítil“
Aðeins ein leið fær í Grindavíkurmálum
Þrjú og hálft ár fyrir skotárás í Úlfarsárdal
Ofsóttur innan veggja Boeing
Innviðir þandir og álagið „gríðarlegt“
Kvikan virðist nú skiptast til helminga
Markaðurinn hitnar og leiguverð hækkar hratt
„Menn eru bara búnir að forgangsraða“