Ringulreið ríkir í Rotterdam eftir að keppendur frá einu af sigurstranglegustu löndum í Eurovision neyddust til að hætta við að flytja lag sitt á sviði vegna kórónuveirusmits í hópnum. 

Frétt af mbl.is

Verða ekki í beinni – fara bara á svið sem hópur

Þetta er inntakið í frétt breska götublaðsins Daily Express, þar sem sagt er frá óförum íslenska hópsins, Daða og Gagnamagnsins. Í stað þess að flytja lagið í beinni útsendingu verður notast við upptöku sem gerð var 13. maí.

Blaðið greinir réttilega frá því að íslenska lagið sé eitt þeirra sem veðbankar telji líklegast til sigurs á laugardag, en lagið situr nú í 5.-6. sæti eftir bönkum ásamt framlagi Sviss.

Frétt af mbl.is

Veðbankar hafa ennþá trú á Daða og Gagnamagninu

Daði greindi erlendum aðdáendum sínum frá stöðunni í færslu á Twitter fyrr í dag og viðbrögðin hafa ekki látið á sér standa. Hundruð svara hafa borist þar sem aðdáendur stappa í sveitina stálinu.

„Æfingin ykkar var algjörlega frábær svo enginn þarf að hafa áhyggjur af framgöngu ykkar. Heilsan ykkar skiptir mestu,“ segir einn til að mynda.

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt