Framlag Íslands verður númer tólf í lokakeppni Eurovision (Söngvakeppni evrópskra sjónvarpsstöðva) sem haldin verður í Rotterdam annað kvöld. Flutningur Daða og gagnamagnsins á lagi þeirra, 10 Years, skilaði Íslandi sæti í lokakeppninni.

Alls eru 26 lög í lokakeppninni og er það Kýpur sem hefur keppnina. Næstur á undan Daða og Gagnamagninu verður Svisslendingurinn Gjon Muharremaj með lagið Tout l'Univers. 

Norðurlandaþjóðunum gekk vel í undankeppnunum og komust auk Íslands þrjár þeirra áfram, Finnland, Noregur og Svíþjóð.

Nota þurfti upptöku af æfingu Daða og Gagnamagnsins vegna kórónuveirusmits sem upp kom í hópnum fyrr í vikunni. 

Daði á æfingu í Rotterdam. EBU/THOMAS HANSES

„Ég hlakka til á laugardaginn. Það var gaman núna. Það hefði verið skemmtilegra að vera í höllinni en við erum hæstánægð,“ sagði Daði í stuttu samtali við mbl.is í gærkvöldi. 

Ekki liggur fyrir í hvaða sæti Ísland hafnaði í seinni undankeppninni í gærkvöldi en það er ekki gefið upp fyrr en að keppni lokinni. 

Hér má lesa um árangur Íslands í keppninni hingað til.

Hér má lesa upplýsingar um Daða og Gagnamagnið.

Tengdar fréttir

Eurovision

Bashar Murad tekur þátt í Falastinvision

• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum
• „Brynjar getur sameinað alla þjóðina“

» Fleiri tengdar fréttir

• Blogga um frétt