„Mér fannst þetta fyndinn brandari og fyndið konsept og skemmtilegt uppbrot,“ segir Hannes Óli Ágústsson leikari sem kynnti stigagjöf Íslendinga í Eurovision með JAJA DINDONG-brandaranum góða.

Frétt af mbl.is

Jaja Ding dong „fær 12 stig!“

„Auðvitað er það pínu séns að taka svona grín en ég var til í það því að þetta er ekki beint ég sjálfur heldur þessi karakter sem er svo óstýrilátur og erfiður,“ bætir hann við.

Varstu stressaður?

„Já, ég var auðvitað smá stressaður þegar kom að þessu. Við æfðum þetta fyrst á föstudaginn í dómararennsli, þá fattaði ég hvað þetta væri stórt. Svo minntist einhver á að það væru 200 milljónir að horfa, þá varð ég smá stressaður.

Svo var önnur æfing á laugardeginum, þá var ég búinn að gera þetta áður og þá var þetta allt í lagi. En jú, hjartað sló alveg hraðar.“

Hann segir að Rúnar Freyr leikari hafi hannað brandarann og skrifað smá handrit að kynningu stiganna. Hannesi leist vel á handritið og fannst þess vegna þess virði að kýla á brandarann. 

„Þetta var svolítið tvískiptur brandari. Að biðja tvisvar um lagið, það negldi þetta dálítið. Mér fannst það svo skemmtileg hugmynd.“

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt