Tónlistarmaðurinn Marilyn Manson hefur verið ákærður fyrir tvær líkamsárásir á tónleikum í Gilford í New Hampshireríki í Bandaríkjunum árið 2019. Handtökuheimild hefur verið gefin út á hendur honum. 

Hinar meintu líkamsárásir náðist á myndband á tónleiknunum. 

Í tilkynningu sagði lögreglan í New Hampshire að tónlistarmaðurinn og umboðsmenn hans hefðu vitað af heimildinni í einhvern tíma. Manson hefði hins vegar ekki gert neina tilraun til að svara fyrir sig. 

Verði Manson fundinn sekur á hann yfir höfði sér allt að eins árs fangelsi og sekt allt að tvö þúsund bandaríkjadölum. 

Lögreglan bætti við að líkamsárásirnar væru ekki taldar kynferðisofbeldi á nokkurn hátt. Manson hefur ekki tjáð sig um ásakanirnar opinberlega. 

Fyrr í þessum mánuði steig fyrrverandi aðstoðarkona hans Ashley Walters fram og kærði hann fyrir kynferðisofbeldi. Hún sagði hann einnig hafa verið ógnandi yfirmann. 

Frétt af mbl.is

Fyrrverandi aðstoðarkona kærir Manson

Tengdar fréttir

Kynferðisbrot í Hollywood

Sakar Vin Diesel um kynferðisbrot á hóteli

• Höfðar mál gegn Weinstein og Disney
• Kanna ásakanir á hendur Russell Brand
• Ásakanir á hendur Brand veki upp spurningar
• Brand sakaður um kynferðisbrot

» Fleiri tengdar fréttir

• Blogga um frétt