Skilja eftir 27 ára hjónaband
Setja bókamerki
Leikarinn Blair Underwood og eiginkona hans Desiree DaCosta tilkynntu um helgina að þau væru að skilja eftir 27 ára hjónaband. Aðdáendur Beðmála í borginni þekkja Underwood undir nafninu Dr. Robert Leeds.
Underwood og DaCosta gengu í hjónaband árið 1994. Í tilkynningu á Instagram sögðu hjónin að þau hefðu ákveðið að binda enda á hjónabandið eftir að hafa hugsað vel og lengi um það. Þau sögðust hafa unnið mikið í sér saman og sem einstaklingar en niðurstaðan var samt þessi. „Þetta hefur verið virkilega fallegt ferðalag,“ sögðu þau um hjónabandið.
„Við erum stoltust af ótrúlegu börnunum okkar þremur,“ sögðu þau og þökkuðu guði fyrir að treysta þeim fyrir börnunum sem eru á aldrinum 19 til 24 ára.
Underwood sem er 56 ára varð fyrst frægur fyrir hlutverk sitt í L.A. Law á níunda áratug síðustu aldar. Hann hlaut tvær tilnefningar til Golden Globe verðlaunanna fyrir leik sinn í L.A. Law og In Treatment.
Mikil skjálftavirkni á landinu áhyggjuefni
Hjón sluppu með skrekkinn
Innviðir þandir og álagið „gríðarlegt“
„Það er skiljanlegt að þolinmæði þeirra sé lítil“
Ísraelar hefna árásarinnar
Benda á Samgöngustofu sem bendir út í heim
Starfsfólk gæti fengið reikning frá Skattinum
Fjárfestingin 115 milljarðar króna