Harry Bretaprins og Meghan Markel hertogaynja af Sussex tilkynntu í dag fæðingu dóttur sinnar en hún fæddist síðasta föstudag í Santa Barbara í Kaliforníu. Fyrir eiga hjónin soninn Archie Harrison.
Stúlkan hefur fengið nafnið Lilibet „Lili“ Diana Mountbatten-Windsor og heitir hún því bæði í höfuðið á langömmu sinni, Elísabetu Bretadrottningu, sem gjarnan hefur verið kölluð Lilibet af fjölskyldumeðlimum, og ömmu sinni, Díönu prinsessu, sem lést árið 1997.
Í tilkynningu sem foreldrarnir sendu frá sér segir að móður og barni heilsist vel.