Norðuramerískir kvikmyndahúsagestir virðast ekki hafa fengið nóg af hryllingi þrátt fyrir erfitt ár 2020 því hryllingsmyndin „The Conjuring: The Devil Made Me Do It” fór á toppinn í miðasölunni vestanhafs um helgina.
Talið er að myndin hafi þénað 24 milljónir bandaríkjadala, eða tæpa þrjá milljarða króna, og greinilegt að almenningur er byrjaður að tínast í bíó á nýjan leik eftir að kórónuveiran gekk yfir.
Í öðru sæti yfir aðsóknarmestu myndirnar var „A Quiet Place: Part II”.
Vinsældir Conjuring eru merkilegar í ljósi þess að einnig er hægt að sjá hana í streymisveitunni HBO Max án aukagjalds.