Leikkonan Elizabeth Olsen er gift kona. Hún talaði um tónlistarmanninn Robbie Arnett sem eiginmann sinn í viðtali á vef Variety. Svo virðist sem hjónin hafi gift sig í leyni eins og algengt er í kórónuveirufaraldrinum.
Olsen, sem varð fyrst þekkt sem litla systir Olsen-tvíburanna, trúlofaðist Arnett sumarið 2019 eftir þriggja ára samband. Hún var í fjarviðtali við leikkonuna Kaley Cuoco þegar eiginmanninn bar á góma. „Ég tók líka eftir því að eiginmaður minn stillti upp Little Miss Magic,“ sagði Olsen um bók sem Arnett hafði stillt upp.
„Ég elska að hann býr til leikmynd fyrir þig,“ grínaðist Cucko. „Er veitingaþjónusta líka? Hvað gerir hann meira?“
„Nei, guð. Ég gerði morgunmat fyrir hann.“
Elizabeth Olsen's husband (who she's married to, by the way) decorated her video chat background for her #ActorsOnActors interview with Kaley Cuoco! https://t.co/Lo40kuI09n pic.twitter.com/rOb7Uqxf68
— Variety (@Variety) June 8, 2021