Miami-drottningin Jennifer Lopez hefur ákveðið að flytja búferlaflutningum frá Miami í Flórídaríki til Los Angeles í Kaliforníuríki svo hún geti eytt meiri tíma með ástmanninum sínum Ben Affleck, samkvæmt frétt Eonline. Heimildir herma að hún sé byrjuð að skoða skóla í Los Angeles fyrir tvíburana sína, Emme og Maximilian, sem hún á úr fyrra hjónabandi með söngvaranum knáa Marc Anthony.
Það er ekki alveg á hreinu hvenær hún mun endanlega flytja en samkvæmt heimildum þá er hún byrjuð að pakka í kassa í íbúðinni sinni í Miami „Hún ætlar að eyða sumrinu í Los Angeles og í Hamptons-hverfinu á austurhluta Long Island í New York-ríki, en Los Angeles verður hennar heimahöfn,“ er haft eftir heimildarmanni.