Þórhildur Magnúsdóttir heldur úti miðlinum Sundur og Saman á Instagram og Facebook. Þar miðlar hún jafningjafræðslu um náin sambönd og praktískar leiðir til að bæta tengslin innan þeirra og fjallar á uppbyggilegan hátt um mikilvæg málefni svo sem kynlöngun, þörf fyrir sjálfstæði. Berglind Guðmundsdóttir ræðir við Þórhildi í Dagmálsþætti dagsins.
Þættirnir eru aðgengilegir áskrifendum Morgunblaðsins hér en einnig er hægt að kaupa vikupassa hér.
Hugmyndir okkar um að fólk í sambandi verði aldrei hrifið af neinum öðrum geta verið mjög skemmandi. Þórhildur talar í þessu myndbroti opinskátt um það hvernig hún varð hrifin af öðrum manni og hvernig hún og hennar maður hafi unnið sig úr þessari erfiðu lífsreynslu með opnum samskiptum og meiri rækt við sambandið.