Organistinn Kristján Hrannar Pálsson hefur endurútsett plötuna Discovery með Daft Punk fyrir flutning á orgel. Í kvöld mun Kristján flytja plötuna í heild sinni á kirkjuorgel Laugarneskirkju. Nánari upplýsingar má nálgast hér.
Discovery kom út 2001 og fagnar því 20 ára afmæli. Hljómsveitin er hvað þekktust fyrir vel smíðaðar arpeggíur og hljóðsömpl og má kalla Discovery eitt helsta flaggskip sveitarinnar á löngum og farsælum ferli.
Þetta er einstakt tækifæri fyrir aðdáendur franska rafdúettsins sem lagði upp laupana fyrr á þessu ári eftir tónlistarferil sem spannaði 28 ár.