Upprisinn er hann, skemmtistaðurinn Húrra

Reykjavíkurdætur á skemmtistaðnum Húrra sem opnar aftur á Tryggvagötu 22.
Reykjavíkurdætur á skemmtistaðnum Húrra sem opnar aftur á Tryggvagötu 22. Eggert Jóhannesson

Einn farsælasti skemmtistaður síðasta áratugs í miðborg Reykjavíkur, Húrra við Tryggvagötu 22, opnar aftur á næstunni samkvæmt Facebook.

Það var veitingamaðurinn Jón Mýrdal sem opnaði staðinn 2014 og sló hann samstundis í gegn hjá tónlistaráhugamönnum, háskólanemum og fleirum. Húrra bauð upp á lifandi tónleika í hverri viku og um helgar sáu plötusnúðar til þess að dansþyrstir gestir dönsuðu til klukkan hálffimm á morgnana. Jón fékk til liðs við sig vaska menn sem sáu um bókanir á staðnum, tónlistarmanninn Snorra Helgason og plötusnúðinn Óla Dóra.

Tónlistaráhugafólk á Húrra að fylgjast með tónleikum 2015.
Tónlistaráhugafólk á Húrra að fylgjast með tónleikum 2015. Styrmir Kári

Jón Mýrdal seldi reksturinn 2018 og síðar lokar staðurinn sumarið 2019 og nýir rekstraraðilar opna íþróttabarinn Gumma Ben við litlar vinsældir og varð hann skammlífur.

Það eru nú rekstraraðilar Gauksins sem enduropna Húrra og birtir þá aftur til fyrir tónleikaáhugafólk Reykjavíkur.

mbl.is

Stjörnuspá »

Hrútur

Sign icon Fólk tekur óvenju vel eftir þér í dag og þú munt sennilega eiga mikilvægar samræður við foreldra þína.

Stjörnuspá »

Hrútur

Sign icon Fólk tekur óvenju vel eftir þér í dag og þú munt sennilega eiga mikilvægar samræður við foreldra þína.