Gagnamagnsparið Daði Freyr Pétursson og Árný Fjóla Ásmundsdóttir eiga yfir höfði sér háa sekt vegna vatnsleka úr þvottavél í íbúð sem þau eru með á leigu í Berlín. Síðustu tvo mánuði hefur parið verið frá heimili sínu í Berlín vegna þátttöku Gagnamagnsins í Söngvakeppni evrópskra sjónvarpsstöðva.
Árný óskaði í hádeginu í dag eftir aðstoð lögfræðings á facebooksíðunni Berlín, borgin okkar þar sem hún greinir frá atvikinu, en þar segir hún:
„Þvottavélin okkar lak á meðan við vorum heima á Íslandi (lak í tvo mánuði áður en það fattaðist). Vatnslekinn náði niður tvær hæðir og triggeraði gamlan (að minnsta kosti 3 til 5 ára) myglusvepp sem geisar nú í þrem íbúðum. Við vorum nýlega flutt og ekki með heimilistryggingar. Okkur var sagt af nágranna sem sá um íbúðina á meðan við vorum á Íslandi að þetta væri að minnsta kosti að hluta tryggt af leiguverðinu. Erum búin að reyna að hafa samband við húseiganda og leigumiðlara án svara og þau demba á okkur 35.000 evra skuld án fyrirvara.“