Leik- og söngkonan Jennifer Lopez segist aldrei hafa verið betri. Ekki eru nema nokkrir mánuðir síðan hún og hafnaboltastjarnan Alex Rodriguez hættu saman. Fljótlega eftir það byrjaði hún að hitta leikarann Ben Affleck eftir 17 ára aðskilnað. Hefur það líklega eitthvað að gera með alla hamingjuna. 

„Ég er ótrúlega hamingjusöm. Ég veit að fólk er alltaf að velta fyrir sér: Hvernig ertu? Hvað er í gengi? Er í lagi með þig? Þetta er staðan. Ég hef aldrei verið betri,“ sagði Lopez í viðtali streymisveituna Apple Music að því fram kemur á vef E. 

„Ég vil að fólkið sem þykir vænt um mig viti, af því mér þykir svo vænt um það, að ég er á þeim stað í lífinu að mér líður vel einni,“ sagði hin 51 árs gamla Lopez. „Þegar þú ert komin á þann stað gerast ótrúlegir hlutir sem þú hefðir aldrei getað ímyndað þér að ættu eftir að gerast aftur. Þar er ég stödd.“

Stjarnan nefndi ekki Affleck á nafn en sagði að hún vildi að allir vissu að hún nyti sín í botn. „Þetta er besti tími lífs míns,“ sagði Lopez.

Ben Affleck. AFP

Tengdar fréttir

Bennifer

Segir allt í lagi með Affleck

• Eru vandamál í paradís Afflecks og Lopez?
• Brúðkaupsferð í borg ástarinnar
• Komin aftur í vinnuna eftir brúðkaup
• Birtir myndir úr brúðkaupinu

» Fleiri tengdar fréttir

• Blogga um frétt