Vilhjálmur fordæmir kynþáttaníð í kjölfar tapsins
Setja bókamerki
Tengdar fréttir
Kóngafólk í fjölmiðlum
Vilhjálmur Bretaprins fordæmir þá umræðu sem hefur átt sér stað á samfélagsmiðlum í kjölfar taps enska landsliðsins á Evrópumeistarmóti karla í fótbolta í gærkvöldi. Kynþáttaníðið hefur beinst að þeim leikmönnum sem ekki skoruðu í vítaspyrnukeppninni.
Prinsinn sendi frá sér tilkynningu á Twitter í morgun þar sem hann segir þessi viðbrögð algjörlega óviðunandi.
„Það vekur ógleði hjá mér að verða vitni að því kynþáttaníði sem beint var að leikmönnum enska landsliðsins eftir leikinn í gærkvöldi. Þetta er algjörlega óviðunandi að leikmennirnir þurfi að þola þessa hegðun. Þetta verður að hætta og allir þeir sem hafa tekið þátt í því þurfa að bera ábyrgð á þessari viðbjóðslegu hegðun,“ skrifaði prinsinn á Twitter.
Marcus Rashford, Jadon Sancho og Bukayo Saka skoruðu ekki úr vítaspyrnum sínum í gær og urðu þeir fyrir kynþáttaníði á twitter- og instagramsíðum sínum í kjölfarið. Þar sendi fjöldi fólks þeim apa-lyndistákn (e. emoji) og aðrir sendu þeim niðrandi skilaboð og notuðu kynþáttafordóma til þess að kenna þremenningunum um ósigurinn.
Boris Johnson, forsætisráðherra Bretlands, hefur sömuleiðis fordæmt hegðun stuðningsmannanna.
Tengdar fréttir
Kóngafólk í fjölmiðlum
„Það þarf að vinna mikinn fjölda upp“
Vona að Orkustofnun veiti ekki virkjunarleyfi
Veiting hvalveiðileyfis ekki brot á EES-samningi
Handtekin eftir að tvö börn fundust látin
Æskuvinur Íslendings myrtur í Noregi
Eyjafjarðarbraut lokað vegna alvarlegs umferðarslyss
Vélsleðaslys: Þyrlan kölluð út á mesta forgangi