Kanadíski tónlistarmaðurinn Drake er búinn að vera með bandarískum áhrifavaldi, Johönnu Leiu, í nokkra mánuði. Rapparinn og Leia sáust snæða kvöldmat á Dodgers-vellinum í Los Angeles í síðustu viku.
Samkvæmt heimildum People hafa þau verið að stinga saman nefjum í nokkra mánuði. Drake hefur verið að segja syni Leiu, Amari Bailey, til í körfubolta en hann mun spila með háskólaliði University of California í Los Angeles á næsta tímabili.
Soninn átti Leia með fyrrverandi NFL-kappanum Aaron Bailey. Amari leikur með Sierre Canyon High og hefur Drake sést á leikjum hans ásamt móður hans og einnig Michael B. Jordan.