Leikkonan Renée Zellweger virðist vera ástfangin upp fyrir haus af nýja kærastanum sínum, fjölmiðlamanninum Ant Anstead. Parið naut sín á strönd nærri Laguna Beach í Kaliforníu á sunnudag.
Parið virðist hafa farið í fjöruferð á ströndina með tveggja ára son Ansteads, Hudson.
Fréttir af þessu nýja ástarsambandi kvikmyndastjörnunnar og breska fjölmiðlamannsins fóru fyrst að kvisast út í júní. Hafa myndir náðst af þeim kyssast í búðinni, fyrir utan heimili hans og nú síðast á strödinni.
Anstead er nýlega skilinn við raunveruleikastjörnuna Christinu Haack eftir tveggja ára hjónaband. Þar á undan var hann giftur Louise Anstead frá 2005 til 2017 og saman eiga þau tvö börn.
Zellweger var stuttlega gift kántrísöngvaranum Kenny Chesney árið 2005. Hún var síðast í sambandi með gítarleikaranum Doyle Bramhall II frá 2012 til 2019.