Bandaríski leikarinn og tónlistarmaðurinn Kid Cudi varð fyrir miklu áreiti á Instagram á dögunum vegna myndar sem hann birti af sér á samfélagsmiðlinum. Cudi skartar naglalakki á fingrum sér á myndinni sem varð kveikjan að miklu áreiti og heift í garð tónlistarmannsins sem endaði með því að hann ákvað að loka fyrir athugasemdir við instagramfærslunni.
Í kjölfarið birti hann yfirlýsingu á Twitter þar sem hann segir: „Ég lokaði fyrir athugasemdir á Instagram. Það er ljóst að sumum er í nöp við að ég lakki á mér neglurnar. Ég varð þreyttur á því að blokka svona marga aðganga. Þið þurfið að skilja að ef ykkur er illa við að ég lakki á mér neglurnar eða eitthvað annað sem ég geri, hættið þá að kaupa tónlistina mína og mæta á tónleika. Hypjið ykkur burt.“
Turned my comments off on instagram. Seems people really have a problem w me painting my nails. I got tired of blockin so many accounts. I really need u to understand, if u dont like me doin this or anything I do, please dont buy my albums, dont come to my shows. Fuck way off.
— The Chosen One (@KidCudi) July 17, 2021