Gefa út fyrsta lagið úr Rómeó og Júlíu

Salka Valsdóttir, tónlistarstjóri sýningarinnar og Ebba Katrín Finnsdóttir leikkona eru …
Salka Valsdóttir, tónlistarstjóri sýningarinnar og Ebba Katrín Finnsdóttir leikkona eru höfundar lagsins Heiti King.

Fyrsta lagið úr leikritinu Rómeó og Júlía, sem frumsýnt verður í Þjóðleikhúsinu í september, er komið út. Lagið ber titilinn Heiti King en höfundar lagsins eru tónlistarstjóri sýningarinnar Salka Valsdóttir og leikkonan Ebba Katrín Finnsdóttir.

Lagið Heiti King er bleikur svefnherbergis- píkupoppslagari um innilokunarkennd, barnslega hrifningu og, kannski allra helst, Rómeó. Lagið lýsir innra lífi Júlíu og er lýsandi fyrir hennar ríkjandi rafmögnuðu orku, á blaði sem og á sviði.

Annar höfundur lagsins, Salka Valsdóttir, hefur skapað sér nafn sem framsækin tónlistarkona, meðal annars sem meðlimur Reykjavíkurdætra og Cyber og sem hljóðmyndahönnuður við Volksbühne í Berlín, en hún er tónlistarstjóri sýningarinnar. Ásamt henni kom Ebba Katrín Finnsdóttir að skrifum og flutningi lagsins, en hún fer með hlutverk Júlíu í sýningunni.

Rómeó og Júlía er saga af sannri ást en um leið ástsýki og ungæðishætti. Í forgrunni verður mögnuð barátta ungrar konu gegn yfirþyrmandi feðraveldi. Fegurstu sögurnar geta sprottið upp úr hræðilegustu aðstæðunum. Leikritið Rómeó og Júlía er frægasta ástarsaga allra tíma, og birtist hér í nýrri þýðingu og útfærslu sem hrífur áhorfandann með inn í heillandi og hættulegan heim.

Þorleifur Örn Arnarsson er einn fremsti leikstjóri Evrópu og einn listrænna stjórnenda hins virta leikhúss Volksbühne. Hann á að baki geysivinsælar sýningar á Íslandi á borð við Engla alheimsins og Njálu. Nú hefur hann gengið til liðs við nýtt listrænt teymi Þjóðleikhússins þar sem hann mun starfa á næstu árum. Þorleifur hefur leikinn með sýningu sem hvetur fólk til að skoða sjálft sig og aðstæður sínar í nýju samhengi.

mbl.is

Stjörnuspá »

Hrútur

Sign icon Hvaðeina sem þú festir kaup á í dag verður hagnýtt, á góðu verði og mun að líkindum endast um langan aldur.

Stjörnuspá »

Hrútur

Sign icon Hvaðeina sem þú festir kaup á í dag verður hagnýtt, á góðu verði og mun að líkindum endast um langan aldur.