Instagram-hakkarinn Kingsanchezx, sem leikið hefur íslenska áhrifavalda grátt á samfélagsmiðlinum undanfarnar vikur, birti í dag samskipti sem hann á að hafa átt við áhrifavaldinn Ástrós Traustadóttur. Ástrós segir skilaboðin fölsuð.

Í falsaða skjáskotinu virðist Ástrós bjóða honum 10 þúsund bandaríkjadali, eða um 1,2 milljónir króna, fyrir að loka aðgangi Sunnevu Einarsdóttur á Instagram varanlega. Mbl.is bar skjáskotið undir Ástrós.

„Sunneva er ein af mínum bestu vinkonum og það er bara hryllilegt að við séum að lenda í þessu,“ sagði Ástrós í samtali við mbl.is. Hún hvetur fólk til að tilkynna reikning hakkarans til stjórnenda Instagram. 

Hakkarinn komst inn á instagram-reikninga bæði Ástrósar og Sunnevu nýlega og lokaði aðgöngum þeirra í nokkra daga. Þær endurheimtu reikninga sína en hafa nú glatað þeim aftur í hendur hans. 

Auk þess að birta skjáskotið birti hakkarinn orðsendingu til áhrifavaldanna tveggja. „Eruð þið reiðar? Hvað ætlið þið að gera, borga pening fyrir að láta loka aðganginum mínum aftur?“

Fleiri áhrifavaldar á Íslandi hafa orðið fyrir barðinu á honum, þar á meðal Birgitta Líf Björnsdóttir, Binni Glee, Patrekur Jamie og Kristín Pétursdóttir. Flest hafa þau endurheimt reikningana sína.

Skjáskot/Instagram

Tengdar fréttir

Áhrifavaldar

Þetta eru vinsælustu Love Island-stjörnurnar

• Rúrik opnar sig í viðtali við Sports Illustrated
• Iggy Azalea hefur sagt skilið við tónlistina
• Laufey og Daði Freyr á Lollapalooza
• Svona er dagur í lífi „Done-gæjans“

» Fleiri tengdar fréttir

Samfélagsmiðlar áhrifavalda hakkaðir

Lína Birgitta og Camilla næstar hjá hakkaranum

• Íslenskir áhrifavaldar liggja vel við höggi
• Jón Jónsson næstur í röðinni?
• „Bankarán 21. aldarinnar“
• Birgitta Líf kemst ekki inn á Instagram

» Fleiri tengdar fréttir

• Blogga um frétt