Rekinn úr The Offspring

Trommari hjólabrettapönkhljómsveitarinnar The Offspring var á dögunum rekinn úr hljómsveitinni. Trommarinn, Bandaríkjamaðurinn Pete Parada, neitaði að fara í bólusetningu við kórónuveirunni að læknisráði og fyrir vikið var hann rekinn úr hljómsveitinni. 

Parada tjáir sig um brottreksturinn á Instagram en þar setur hann fram fréttatilkynningu þar sem fram kemur að hann hafi þurft að glíma við sjaldgæfan sjálfsónæmissjúkdóm síðan hann var barn. Læknir Parada réð honum frá því að láta bólusetja sig vegna þeirrar óvissu sem fylgir bóluefnum og áhrifum þeirra á undirliggjandi sjúkdóma. 

Parada tekur fram að hann hafi áður fengið veiruna og upplifað væga kvilla og segir að ef hann fái veiruna aftur sé ónæmiskerfi hans nógu sterkt til að takast á við veiruna öðru sinni.

Frétt Mirror.

• Blogga um frétt