Borgaði sjálf fyrir háskólanámið

Fyrirsætan Lourdes Leon, dóttir söngkonunnar Madonnu og Carlos Leon, segist sjálf hafa borgað fyrir háskólanám sitt. 

Leon prýðir forsíðu bandaríska Vogue í september ásamt fleiri ungum fyrirsætum. Í viðtalinu sagði hún fólk oft draga rangar ályktanir um hana af því hún á fræga móður.

„Fólk heldur að ég sé hæfileikalaus krakki sem á ríka foreldra og fær allt upp í hendurnar, en ég er það ekki,“ sagði Leon.

Leon er elsta barn Madonnu og stendur á eigin fótum. Hún býr í Brooklyn í New York, langt frá glamúr Hollywood. Þær Leon og Madonna eiga eitt stórt áhugamál sameiginlegt og það er dans.

„Einn kennarinn minn kom mér í skilning um dans á allt annan hátt. Maður notar líkamann til að skilgreina rýmið í kringum sig – til að breyta því,“ sagði Leon.

• Blogga um frétt