Dómari í Virginíuríki í Bandaríkjunum hefur gefið leikaranum Johnny Depp grænt ljós á að höfða mál gegn fyrrverandi eiginkonu sinni, leikkonunni Amber Heard. Depp ætlar í meiðyrðamál gegn henni fyrir ummæli sem hún hafði uppi í skoðanagrein sem birt var í Washington Post árið 2018.

Í greininni í Washington Post nafngreindi Heard hann ekki en hún skrifaði út frá reynslu sinni sem þolandi heimilisobeldis. Heard sakaði hann hins vegar um heimilisofbeldi við skilnað þeirra árið 2016 sem hann hefur neitað. 

Þetta er ekki í fyrsta skipti sem Depp fer í mál vegna málsins. Á síðasta ári höfðaði hann mál gegn útgefanda The Sun í Bretlandi þar sem hann var kallaður ofbeldismaður og sagður hafa lamið eiginkonu sína. Í meiðyrðamálum í Bretlandi liggur sönnunarbyrðin hjá þeim sem er stefnt. 

Depp tapaði málinu gegn The Sun og taldi dómarinn að blaðið hefði sýnt fram á nægilegar sannanir fyrir því að ummælin um Depp væru sönn.

Tengdar fréttir

Johnny Depp sakaður um ofbeldi

„Viðbjóðslega illa skrifaður skáldskapur“

• Amber Heard snýr aftur í Aquaman 2
• Depp gefi milljónina
• Heard og Depp ná dómssátt
• Í ástarsambandi með lögmanni sínum

» Fleiri tengdar fréttir

• Blogga um frétt