Berglind Guðmundsdóttir
Flestir kannast við hik þegar tækifæri bjóðast eða dyr opnast. Einhver rödd segir fólki að það sé ekki tilbúið í stökkið. Þetta segir rithöfundurinn Bergsveinn Ólafsson vera afar mannlegt en eina ráðið sé að sýna auðmýkt þegar tekist sé á við ný verkefni á nýjum vettvangi. Í Dagmálsþætti dagsins ræðir hann við Berglindi Guðmundsdóttur um hvaða skref fólk getur stigið í átt að betra og innihaldsríkara lífi.
„Það er oftast mikilvægast að byrja því þá ertu búinn að skuldbinda þig í eitthvað ákveðið og þú lærir svo mikið á leiðinni,“ segir Beggi. Algjörlega óraunhæft sé að ætla að vera með allt á hreinu áður en fólk byrjar á nýjum verkefnum.
Beggi er doktorsnemi í sálfræði, fyrirlesari, stjórnendaþjálfi, rithöfundur og stjórnandi hlaðvarpsins 24/7. Þátturinn í heild sinni er aðgengilegur áskrifendum Morgunblaðsins hér en einnig er hægt að sjá hann og aðra Dagmálsþætti með vikupassa.