Fjöllistamaðurinn Kanye West hefur sótt um að breyta nafni sínu formlega í Ye. Ye hefur verið gælunafn tónlistarmannsins í nokkur ár núna.
West fyllti út eyðublöð og skilaði inn dómara í Los Angeles í gær. Líklegt þykir að hann fái það samþykkt, enda engin mannanafnanefnd þar ytra líkt hér heima á Íslandi. Kaliforníuríki samþykkir allar nafnabreytingar nema grunur leiki á að viðkomandi ætli að nýta nafnabreytingarnar til svindls.
West hefur einnig gefið út plötu með titlinum Ye en hún kom út í júní árið 2018 og þykir ekki vera hans besta verk.