Póst- og fjarskiptastofnun í Bretlandi hefur komist að þeirri niðurstöðu að fjölmiðlamaðurinn, Piers Morgan, hafi ekki brotið gegn reglum stofnunarinnar með ummælum sínum í garð Meghan Markle, hertogaynju.
Morgan var sakaður um kynþáttafordóma í garð hertogaynjunar og var hann einnig sagður gera lítið úr einstaklingum í sjálfsvígs hugleiðingum. Ummælin átti hann að hafa látið falla í kjölfar Opruh-viðtalsins margumrómaða.
„Fyrirgefðu, ég trúi ekki einu orði sem hún segir. Ég myndi ekki einu sinni trúa henni ef hún læsi fyrir mig veðurfréttir,“ sagði Morgan í beinni útsendingu og dró orð hertogaynjunar þar með í efa. Markle tjáði sig opinskátt í viðtalinu um þá víðtæku fordóma sem hún hefur þurft að þola frá því hún giftist inn í konungsfjölskylduna.
Alls bárust stofnunni 57.000 kvartanir vegna ummælana, þar á meðal frá Markle sjálfri. Fjöldinn allur af virtu fjölmiðlafólki hefur tjáð sig í kjölfar úrskurðsins og tekur málfrelsinu fagnandi.