Big Bang Theory-stjarnan Kaley Cuoco og eiginmaður hennar Karl Cook hafa ákveðið að skilja. Cuoco og Cook greindu frá skilnaðinum í sameiginlegri tilkynningu um helgina en skilnaðurinn er sagður koma á óvart. Hjónin giftu sig í júní 2018.
Heimildarmaður People segir hjónin hafa litið út fyrir að vera hamingjusöm í byrjun sumars. Ekkert benti til þess að hjónbandið héngi á bláþræði. „Í upphafi sumars virtist Kaley mjög hamingjusöm með Karli. Þau voru mjög ástúðleg og virtust hafa það fínt,“ sagði heimildarmaðurinn. „Sambandsslitin virðast skyndileg og koma á óvart.“