Raunveruleikastjarnan fyrrverandi Caitlyn Jenner segist hafa tekið ákvörðun um að blanda fjölskyldu sinni ekki inn í kosningabaráttu sína. Jenner býður sig nú fram í embætti ríkisstjóra í Kaliforníu en endurkjör fer fram í ríkinu um þessar mundir.

Frétt af mbl.is

Caitlyn Jenner býður sig fram til ríkisstjóra

Fjölskylda Jenner hefur ekkert komið að því að tryggja henni atkvæði þrátt fyrir að vera með gríðarlegan fjölda fylgjenda á öllum samfélagsmiðlum. Dætur hennar eru Kendall og Kylie Jenner og stjúpbörn hennar úr fyrra hjónabandi með Kris Jenner eru Kim, Kourtney, Khloé og Rob Kardashian. Auk þess á hún synina Brandon, Brody og Burt Jenner úr hjónaböndum sínu með Chrystie Scott og Lindu Thompson.

„Ég hringdi í hvert eitt og einasta þeirra og sagði þeim hvað ég væri að fara gera og að þau ættu ekki að skipta sér af því,“ sagði Jenner í hlaðvarpsviðtali við California Rebel Base hlaðvarpið.

Jenner sagðist hafa haft áhyggjur af því að framboð hennar myndi hafa neikvæð áhrif á fyrirtæki barna sinna ef hún bæði þau um að tala máli hennar. 

„Við vitum öll að stjórnmál geta verið slæm fyrir reksturinn, og þau eru öll með vörumerki og allt annað sem þau gera, þau eru með fyrirtæki. Ég sagði þeim að ég vildi ekki að þau skiptu sér af og að ég vildi ekki grænan eyri. Ég vil ekki eitt tíst, eina færslu á Instagram. Haldið ykkur bara frá þessu,“ sagði Jenner.

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt