Leikarinn Michael Constantine er látinn 94 ára að aldri. Constantine var þekktastur fyrir að fara með hlutverk í kvikmyndinni My Big Fat Greek Wedding og þáttunum Room 222.
Hann lést í gær, miðvikudag, á heimili sínu í Reading í Pennsylvaníuríki. Hann lést af náttúrulegum orsökum samkvæmt umboðmanni hans Juliu Buchwald.
Constantine var sonur innflytjenda frá Grikklandi en fæðingarnafn hans var Gus Efstratiou. Hann hóf feril sinn í leiklist á sjötta áratug síðustu aldar. Hann var kvæntur leikkonunni Juliönnu McCarthy frá 1953 til 1969 og áttu þau tvö börn saman. Hann kvæntist seinna Kathleen Christopher. Þau skildu.