Emmy-verðlaunahátíðin fer fram í nótt. Er þetta í sjötugasta og þriðja skipti sem hún er haldin en CBS og Paramount+ sýna frá hátíðinni sem hefst á miðnætti ef miðað er við íslenskan tíma.
Kynnirinn í ár er uppistandarinn, Cedric the Entertainer, en hann hefur lýst því yfir, í viðtali við New York Times, að hann vilji koma í veg fyrir að hátíðin verði of mikið í anda Óskarsverðlaunahátíðarinnar.
Netflix-þættirnir The Crown, eða Krúnan á íslensku, og Disney+ þættirnir The Mandalorian hlutu flestar tilnefningar í ár, tuttugu og fjórar hvor.
Hátíðin fer fram með hefðbundnara sniði í ár en í fyrra og verður haldin í Los Angeles í Bandaríkjunum. Gestalistinn er þó styttri en hann hefur verið í gegnum tíðina.
Hér má sjá lista yfir allar tilnefningar í öllum flokkum.