Big Bang Theory-stjarnan Kaley Cuoco mætt ein á rauða dregilinn þegar Emmy-verðlaunin voru veitt við hátíðlega athöfn í Los Angeles um helgina. Leikkonan stendur í skilnaði við eiginmann sinn, Karl Cook, en það var ekki að sjá þegar hún brosti til ljósmyndara.
Cuoco sem var tilnefnd til Emmy-verðlauna fyrir leik sinn í gamanþáttunum The Flight Attendant var sú sem sótti um skilnað eftir um þriggja ára hjónaband. Verðlaunahátíðin er sú fyrsta sem leikkonan mætir á síðan fréttir af skilnaðinum bárust.
Hjónin Cuoco og Cook greindu frá ákvörðun sinni um að skilja í sameiginlegri tilkynningu í byrjun september. Kom skilnaður þeirra nokkuð á óvart. „Í upphafi sumars virtist Kaley mjög hamingjusöm með Karli. Þau voru mjög ástúðleg og virtust hafa það fínt,“ sagði heimildarmaður People fyrir nokkrum vikum. „Sambandsslitin virðast skyndileg og koma á óvart.“