Stórleikarinn Daniel Craig fékk stjörnu á frægðargötu Hollywood (e. Walk of Fame) í Los Angeles í gær. Nýjasta kvikmynd hans og hans síðasta Bond-kvikmynd, No Time To Die, var frumsýnd á dögunum og hefur hlotið góðar viðtökur.
„Ég hélt ég myndi aldrei segja þetta, en það er mér mikill heiður að fólk geti nú gengið yfir mig í Hollywood,“ sagði Craig við athöfn á frægðargötunni í gær og bætti við að hann væri mjög ánægður með árangurinn.
No Time To Die var frumsýnd í lok september og er komin í kvikmyndahús víða um heim. Kvikmyndin sló sölumet sína fyrstu helgi í kvikmyndahúsum.