Menntaskólinn í Reykjavík vann Söngkeppni framhaldsskólanna í gærkvöldi. Það var Jóhanna Björk Snorradóttir sem flutti lagið Distance eftir Yebba sem sigldi sigrinum heim í MR.
Söngkeppnin var í beinni útsendingu á Vísi.
Bakraddir með Jóhönnu sungu Hildur Kaldalóns Björnsdóttir, Dögg Magnúsdóttir og Jana Björg Þorvaldsdóttir.
Fjölbrautaskóli Suðurnesja hafnaði í öðru sæti en Þorsteinn Helgi Kristjánsson flutti lagið Tennessee Whiskey eftir Chris Stapleton fyrir hönd skólans. Þá varð Menntaskólinn í tónlist í þriðja sæti en Rakel Björgvinsdóttir flutti lagið Creep eftir hljómsveitina Radiohead.