Nýtt lag Adele fær góða dóma

Tónlistarkonan Adele gaf út lagið Easy On Me í dag. Er þetta fyrsta lagið sem hún sendir frá sér í sex ár og er það af væntanlegri plötu hennar sem kemur út 18. nóvember. Platan ber titilinn 30 sem vísar til þess aldurs sem hún var á þegar hún samdi hana og er fjórða sólóplata söngkonunnar. 

Lagið Easy On Me hefur fengið góða dóma í erlendum fjölmiðlum og hjá öðrum stjörnum í Hollywood. Gagnrýnandi The Guardian gefur laginu þrjár stjörnur og segir lagið vera mjög svo í stíl söngkonunnar. 

„Það er ólíkt Someone Like You á þann hátt að það er ekki samið til að stöðva heiminn, ólíkt sístu lögunum á 25, og þetta er ekki Adele lagið sem fer inn um eitt og út um hitt. Það er vel hægt að tengja við þetta lag, þetta hefur sinn vanagang, sem er kannski einmitt það sem milljónir aðdáenda Adele vilja, sérstaklega á þessum tímapunkti í sögunni,“ skrifaði gagnrýnandi Guardian. 

Gagnrýnandi NME gefur laginu 5 stjörnur og segir það vera hið fullkomna lag fyrir fólk í kvartlífskrísu, miðlífskrísu eða bara að fólk sem glímir við mikla timburmenn. 

• Blogga um frétt