Tónlistarmaðurinn Ed Sheeran hefur greinst jákvæður fyrir kórónuveirusmiti. Hann greindi sjálfur frá þessu á instagramsíðu sinni.
Næsta plata tónlistarmannsins kemur út á föstudaginn en í ljósi aðstæðna mun hann einungis geta komið fram í viðtölum í gegnum fjarfundarbúnað frá heimili sínu.
Í færslunni á Instagram biður hann alla þá sem hann hefur valdið vonbrigðum afsökunar og biður fólk að gæta öryggis síns.