Samson fyllir tvö ár í dag

Hundurinn Samson, hundur Dorritar Moussaieff og Ólafs Ragnars Grímssonar fyrrverandi forseta Íslands, fyllir tvö ár í dag. Samson „litli“ er klónaður undan forsetahundinum Sámi sem var í eigu þeirra hjóna. 

Samson er hjónunum mjög kær, og þá sérstaklega Dorriti, en í nýlegu viðtali við mbl.is lýsti hún sem ástinni í lífi sínu. Dorrit fagnaði afmæli hans á Instagram í dag og birti myndband af því þegar þau hittust fyrst. 

Samson fæddist á tilraunastofu í Bandaríkjunum og var því orðinn nokkurra vikna þegar hann hitti eigendur sína fyrst. Samson hefur braggast vel, ferðast um víða veröld með Dorrit, en hún segir þó að þau kunni bæði best við sig á Íslandi.