Segir Douglas hafa brotið á Wood

Natalie Wood í París árið 1964.
Natalie Wood í París árið 1964. AFP

Leikarinn Kirk Douglas er í nýrri bók sakaður um að hafa brotið kynferðislega á leikkonunni Natalie Wood þegar hún var unglingur. Bæði Wood og Douglas eru látin en ásakanirnar setur systir Wood, Lana, fram í bókinni Little Sister. Áætlað er að bókin verði gefin út þann 9. nóvember næstkomandi.

BBC greinir frá. 

Samkvæmt bókinni á Douglas að hafa ráðist á Wood um sumarið árið 1955. Lana segir að fundur Douglas og Wood hafi verið skipulagður af móður systranna sem vonaðist til þess að Douglas gæti aðstoðað Wood við að koma sér á framfæri. 

Kirk Douglas árið 2018. Hann lést í fyrra.
Kirk Douglas árið 2018. Hann lést í fyrra. AFP

„Hún leit hræðilega út

Douglas var á fertugsaldri á þeim tíma sem meint brot átti sér stað en Natalie 17 ára. Hann var einn af þekktustu leikurum Hollywood á þessum tíma. Douglas hafði farið með hlutverk í kvikmyndum eins og SpartacusThe Bad and the Beautiful og Gunfight at the O.K. Corral.

„Það virtist hafa liðið langur tími þar til Natalie kom aftur í bílinn. Hún vakti mig með því að skella hurðinni,“ skrifar Lana Wood.

„Hún leit hræðilega út. Hún var úfin og í miklu uppnámi. Þær mamma fóru að hvísla sín á milli. Ég heyrði eiginlega ekkert í þeim en greinilega hafði eitthvað slæmt gerst. Hvað svo sem það var var ég greinilega of ung til þess að fá að vita hvað það var.“

Lana var átta ára gömul þegar atvikið á að hafa átt sér stað og segir hún að systir hennar og móðir hafi ákveðið að það myndi eyðileggja feril Natalie Wood að ásaka Douglas um að hafa brotið á henni. Lana segir að systir hennar hafi ekki sagt sér frá atvikinu fyrr en mörgum árum síðar, þegar Natalie sagði að hún hefði verið færð inn í svítu Douglasar og hann hafi „meitt“ hana. 

Natalie Wood og eiginmaður hennar Robert Wagner, sem Lana telur …
Natalie Wood og eiginmaður hennar Robert Wagner, sem Lana telur að hafi orðið Natalie að bana. AFP

„Megi þau bæði hvíla í friði

Douglas lést í febrúarmánuði í fyrra þá 103 ára gamall. 

Sonur hans, Michael Douglas, sagði í yfirlýsingu um málið: „Megi þau bæði hvíla í friði.“

Natalie Wood drukknaði í bátsferð í Kaliforníu í Bandaríkjunum árið 1981. Eiginmaður hennar, Robert Wagner, var grunaður um að hafa komið með einhverjum hætti að dauða hennar árið 2018 en Lana Wood er á meðal þeirra sem telja að hann sé ábyrgur fyrir dauða Natalie. 

mbl.is

Stjörnuspá »

Hrútur

Sign icon Þú fylgir sannfæringu þinni þessa dagana og uppskerð ríkulega. Einbeittu þér að því sem þú ert best/ur í, skipulagi.

Stjörnuspá »

Hrútur

Sign icon Þú fylgir sannfæringu þinni þessa dagana og uppskerð ríkulega. Einbeittu þér að því sem þú ert best/ur í, skipulagi.