Átta manns létust á tónleikum hjá Travis Scott
Setja bókamerki
Að minnsta kosti átta létust og enn fleiri meiddust þegar þeir tróðust undir á Astroworld-tónlistarhátíðinni í borginni Houston í Texas-ríki í Bandaríkjunum á föstudagskvöld, að sögn yfirvalda.
Hörmungarnar hófust um klukkan níu um kvöldið þegar hópur fólks tróð sér sífellt nær sviðinu sem Scott var á. Hann var í miðjum flutningi þegar atvikið átti sér stað.
„Það olli örvinglan og einhverjir meiddust strax, fólk féll í jörðina, missti meðvitund og það leiddi af sér mikla skelfingu,“ sagði slökkviliðsstjórinn í Houston, Samuel Pena, um málið.
„Að minnsta kosti átta létust og nokkrir slösuðust,“ sagði hann á blaðamannafundi og bætti því við að ekki væri hægt að staðfesta dánarorsök strax.
„Við fluttum 17 manns á sjúkrahús, 11 af þeim voru í einhvers konar hjartastoppi.“
Hætti að rappa nokkrum sinnum vegna ástandsins
Um 50.000 manns voru á tónlistarhátíðinni.
Scott stöðvaði tónlistarflutninginn nokkrum sinnum þegar hann sá vanlíðan tónlistargestanna sem voru næst sviðinu. Lögreglan rannsakar nú málið en tónlistarhátíðinni hefur verið aflýst. Hún átti að halda áfram í dag en úr því verður ekki.
„Á réttri leið en nokkuð í land ennþá“
Veiting hvalveiðileyfis ekki brot á EES-samningi
Vona að Orkustofnun veiti ekki virkjunarleyfi
Vélsleðaslys: Þyrlan kölluð út á mesta forgangi
„Skýr skilaboð til Seðlabankans“
Verðbólgan komin niður í 6%
„Hvílir mikil leynd yfir þessu öllu“