Scott og Drake stefnt vegna hörmunganna
Setja bókamerki
Lögmannsstofa í Texasríki í Bandaríkjunum hefur höfðað einkamál á hendur tónlistarmönnunum Travis Scott og Drake fyrir að hvetja til óreiðu og upplausnar á tónleikum á Astroworld-tónleikahátíðinni í Houston á föstudag. Átta létust og fjölmargir særðust eftir að hafa troðist undir í öngþveiti við svið tónleikanna þar sem Scott stóð í miðjum flutningi.
Hin látnu voru á aldrinum 14 til 27 ára en ofsahræðsla braust út þegar mannfjöldinn þrýsti sér framar að sviði tónleikanna og þurftu fjölmargir á aðhlynningu að halda vegna áverka.
Lögmannsstofa Thomas J. Henry höfðar málið fyrir hönd hins 23 ára Kristian Paredes en hann slasaðist alvarlega í troðningnum.
Auk Scott og Drake er tónleikahaldara stefnt fyrir dóm.
Tónleikagestir hafa lýst algjörri upplausn þegar fjöldi fólks braust inn á svæðið sem varð til þess að gestir þrýstust stöðugt nær sviðinu.
Þrátt fyrir að Scott sé stefnt vegna málsins hefur áður komið fram í fréttum að hann hafi gert hlé á flutningi sínum þegar hann sá að einhverjir tónleikagesta voru í vandræðum.
Skemmtiferðaskip hætt komið nærri Viðey
/frimg/1/48/74/1487454.jpg)
Heldur inn í nóttina tuttugu kílóum léttari
Skar höfuðleðrið af íslenskri konu
Tveir í bílnum sem lenti utan vegar
„Höfum ekki náð að skríða upp úr þeirri gryfju“
„Það þarf að vinna mikinn fjölda upp“
Vélsleðaslys: Þyrlan kölluð út á mesta forgangi
„Hvílir mikil leynd yfir þessu öllu“