Breski leikarinn Idris Elba þeytti skífum í brúðkaupi vina sinna Harrys og Meghan árið 2018. Hann segir að verkefnið sem hann tók að sér í brúðkaupi hertogahjónanna af Sussex hafi reynt verulega á taugarnar. 

„Brúðkaupið, án efa. Þetta var ekki brúðkaup hjá frænku minni,“ sagði Elba þegar hann var spurður út í hvaða verkefni hefði tekið mest á taugarnar á vef Daily Mail. Elba, sem er þekktari fyrir leiklistina, hefur meðal annars þeytt skífum fyrir Madonnu og unnið með Paul McCartney. 

„Meghan sendi mér lagalista svo ég vissi hvað hún vildi,“ sagði hann. Kvöldveislan þar sem Elba þeytti skífum fór fram í Frogmore House sem Elba lýsir sem engum venjulegum veislusal. „Þetta var stórt, mjög stórt,“ sagði hann um brúðkaupið.

„Þau eru góðir vinir og ég vildi að þau skemmtu sér vel svo það var mikið álag.“ Fleiri stórstjörnur voru í kvöldveislunni en stjörnur á borð við leikarann George Clooney og spjallþáttastjórnandann James Corden fengu boð.

Breski leikarinn Idris Elba ásamt unnustu sinni, Sabrina Dhowre, við Windsor-kastala í dag. AFP

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

• Blogga um frétt