Um helmingur fólks hefur logið til um að hafa séð ákveðna þáttaröð til þess að ganga í augun á öðru fólki. Þetta kemur fram í nýrri könnun sem Radio Times gerði. Alls svöruðu 1.300 manns könnuninni og af þeim sögðust 52% hafa logið til um að hafa séð þætti til þess að geta tekið þátt í umræðum.
Hin 48% sögðust ekki ljúga þegar kæmi að áhorfi. Flestir lugu til um að hafa horft á Netflix þættina Stranger Things. Um 14% sögðust hafa tekið þátt í umræðum um þættina þrátt fyrir að hafa aldrei séð þá.
Næst á listanum voru þættirnir vinsælu Game of Thrones og því næst Breaking Bad.