Alls munu tólf manns þurfa að svara til saka fyrir dómara í París í Frakklandi í máli athafnakonunnar Kim Kardahsian. Fjöldi skartgripa og demanta var rænt af hótelherbergi hennar í borginni árið 2016 og var henni ógnað af ræningjunum.

Á meðal þeirra grunuðu, sem handteknir voru fjórum mánuðum eftir stuldinn er Aomar Ait Khedache, þekktur sem Old Omar, en hann er talinn vera höfuðpaurinn. Verðmæti skartgripanna sem sem ræningjarnir höfðu á brott með sér eru metnir á sjö milljónir bandaríkjadala. 

Saksóknari í París fer mest fram á 20 ára fangelsis dóm yfir hinum ákærðu. 

Innbrotið átti sér stað aðfaranótt 3. október árið 2016 á hóteli sem Kardashian dvaldi á meðan hún sótti tískuvikuna í parís. Fjöldi karlmanna braust inn á herbergi hennar, en nokkrir þeirra voru dulbúnir sem lögreglumenn. 

Tveir mannanna ógnuðu henni með byssu og héldu að henni á meðan hinir létu greipar sópa. Að lokum bundu þeir hana og kefluðu og skildu hana eftir á baðherberginu. Kardashian sagði síðar mennirnir töluðu ensku með þykkum frönskum heim. 

Á meðan ræningjarnir voru uppi á herbergi stóðu þrír menn vörð niðri og einn beið við stýrið á bíl. Þýfið hefur aldrei fundist en talið er að ræningjarnir hafi selt það í Belgíu.

Frétt af mbl.is

16 handteknir vegna Kardashian-ránsins

Frétt af mbl.is

Kim gaf skýrslu fyrir frönskum dómara

Frétt af mbl.is

Grét þegar hún rifjaði upp ránið í París

Fyrir utan hótelið sem Kim Kardashian dvaldi á í október 2016. AFP

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt