Joe Biden Bandaríkjaforseti tilkynnti að nýr íbúi væri fluttur inn í Hvíta húsið í Washington. Hinn nýi íbúi ber nafnið Commander og er þriðji hundurinn sem flytur inn í forsetabústaðinn í forsetatíð Bidens.
Commander kemur inn í fjölskylduna sex mánuðum eftir að hundurinn Champ hélt á vit feðra sinna eftir 13 góð ár með Biden-fjölskyldunni.
Upphaflega flutti Biden-fjölskyldan inn með hundana Champ og Major. Eftir atvik þar sem Major, sem er aðeins tveggja ára, beit manneskju var hann sendur í þjálfunarbúðir. Ákváðu svo hjónin, í samráði við sérfræðinga, að Major myndi ekki flytja aftur inn í Hvíta húsið.
Meet the newest Biden. pic.twitter.com/JHAbH53iRk
— President Biden (@POTUS) December 20, 2021