Berglind Guðmundsdóttir
Þóra Hrund Guðbrandsdóttir, annar eigandi MUNUM og framkvæmdastjóri ÍMARK, er viðmælandi Berglindar Guðmundsdóttur í Dagmálaþætti dagsins. MUNUM er lítið útgáfufyrirtæki sem gefur út dagbækur sem hannaðar eru með það að leiðarljósi að auðvelda markmiðasetningu, tímastjórnun og efla jákvæða hugsun og eins halda vel utan um almennt skipulag.
Þóra segir hér frá markmiðastefnumóti sem hún fer á með eiginmanni sínum í lok árs. Þá fara börnin í pössun og þau gefa sér góðan tíma í ró og næði til þess að fara yfir liðið ár og setja sér markmið fyrir það næsta. Þau ræða það sem þau langar að gera á nýju ári bæði sem einstaklingar, sem par og sem fjölskylda. Þetta er ákveðin stefnumótum fyrir árið.
Þóra og Erla Björnsdóttir, meðeigandi MUNUM, verða með opinn fyrirlestur 10. janúar og munu í kjölfarið byrja með 30 daga áskorun.
Dagmál Morgunblaðsins eru aðgengileg fyrir áskrifendur en einnig er hægt að kaupa vikupassa og fá aðgang að öllum þáttunum.