Leikarahjónin Sean Penn og Leila Goerge ætla að reyna að flýta fyrir skilnaði sínum. Þau hafa ráðið einkadómara til þess að sjá um skilnaðinn en það er gert til þess að flýta fyrir skilnaðarferlinu.
Hin 29 ára gamla George sótti um skilnað frá 61 árs gamla leikaranum í október. Dómarinn Scott Gordon sér um mál þeirra að því fram kemur á vef People. Það kostar að vera með einkadómara en Penn greiðir Gordon 950 Bandaríkjadali á klukkutímann eða rúmlega 120 þúsund krónur fyrir utan aðrar greiðslur.
Penn og George hafa sést saman nokkrum sinnum eftir að skilanaðarfréttirnar bárust í október. Þau voru saman á áramótunum í Sydney í Ástralíu. Penn og George gengu í hjónaband í júlí árið 2020 í miðjum kórónuveirufaraldri og höfðu því aðeins verið gift í rúmlega eitt ár þegar leikkonan sótti um skilnað.