Reyndi brjótast inn til Taylor Swift

Taylor Swift er á stöðugu varðbergi gagnvart eltihrellum.
Taylor Swift er á stöðugu varðbergi gagnvart eltihrellum. AFP

Lögreglan í New York hefur handtekið mann sem gerði tilraun til að ráðast inn í heimili söngkonunnar Taylor Swift. Maðurinn klessti ökutækinu sínu á bygginguna og gerði svo tilraun til að ráðast inn með valdi en allt kom fyrir ekki.

Maðurinn sem um ræðir heitir Morgan Mank og er 31 árs gamall. Fyrr um kvöldið hafði sést til hans aka um götur Manhattan á móti umferð en hann var undir áhrifum vímuefna.

Þetta er ekki í fyrsta skipti sem einstaklingur gerir tilraun til að brjótast inn til söngkonunnar, sem virðist vinsæl meðal eltihrella. Hún hefur til að mynda komið upp andlitsskönnum á tónleikum hjá sér til þess að ganga úr skugga um að eltihrellar hennar leynist ekki meðal áhorfenda.

Maður að nafni Roger Alvarado hefur gert ítrekaðar tilraunir til að brjótast inn í heimili Swift í Manhattan.

Annar maður var svo handtekinn á leið sinni til Rhode Island þar sem hann ætlaði sér að brjótast inn í sumarhús Swift og „heilsa upp á hana“ að eigin sögn. 

mbl.is

Stjörnuspá »

Hrútur

Sign icon Þér finnst þú getað fengið alla á þitt band og að þú sért við stjórnvölinn í þínu lifi. Gefðu þér því góðan tíma til þess að velta framtíðinni fyrir þér.

Stjörnuspá »

Hrútur

Sign icon Þér finnst þú getað fengið alla á þitt band og að þú sért við stjórnvölinn í þínu lifi. Gefðu þér því góðan tíma til þess að velta framtíðinni fyrir þér.