Systurnar Sigga, Beta og Elín eru mættar til Tórínó þar sem þær tóku sína fyrstu æfingu á sunnudaginn. Þrátt fyrir góða stemningu í hópnum og fallegan söng er íslenski hópurinn ekki að uppskera í veðbönkum í ár.
Ísland hefur verið í kringum 26. sætið undanfarnar vikur en virðist nú vera í frjálsu falli. Sem stendur er lagið komið niður í 31. sætið. Sigurlíkur lagsins með Með hækkandi sól eru innan við eitt prósent að því fram kemur á Eurovision World. Vefsíðan keyrir stuðla frá öllum helstu veðbönkum sem bjóða upp á veðmál fyrir Eurovison.
Sigurstranglegasta lagið í ár er framlag Úkraínu, Stefania sem Kalush Orchestra flytur. Ítalía og Svíþjóð eru í öðru og þriðja sæti en eiga ansi langt í land ef eitthvað er að marka vefmálasíðuna.