Leikkonan Amber Heard þjáist af áfallastreituröskun eftir ofbeldi í nánu sambandi af hálfu fyrrverandi eiginmanns hennar Johnny Depp, að sögn sálfræðings sem bar í dag vitni í meiðyrðamáli Depp gegn Heard. 

Sálfræðingurinn Dawn Hughes sagði Depp jafnframt þjást af „þrálátri ofstjórnun“ og „þrálátri afbrýðissemi“ í garð Heard.

Hughes var fyrsta vitni Heard í málinu, en lögmenn Depp luku sinni vitnaleiðslu í gær.

Svarar lögfræðingum Depp á morgun

Hughes segist hafa greint Heard með áfallastreituröskun með því að framkvæma fjögur mismunandi greiningarpróf. Niðurstöðurnar gefi sterklega til kynna að röskunin sé afleiðing heimilisofbeldis. 

Niðurstöður Hughes voru á skjön við vitnisburð Shannon Curry, sem bar vitni fyrir hönd Depp að leikkonan væri ekki með áfallastreituröskun. Curry sagðist hafa greint Heard með jaðar-persónuleikaröskun, en Hughes er ósammála þeirri niðurstöðu. 

Hughes mun á morgun svara spurningum lögfræðinga Depp.

Tengdar fréttir

Johnny Depp sakaður um ofbeldi

„Viðbjóðslega illa skrifaður skáldskapur“

• Amber Heard snýr aftur í Aquaman 2
• Depp gefi milljónina
• Heard og Depp ná dómssátt
• Í ástarsambandi með lögmanni sínum

» Fleiri tengdar fréttir

• Blogga um frétt