Systur, fulltrúar Íslands í Eurovision, luku rétt í þessu flutningi sínum á laginu Með hækkandi sól í undankeppni Eurovision í Tórínó á Ítalíu. Voru þær fjórtánda atriðið á svið.
Flutningurinn gekk vel og var þeim systrum vel fagnað í höllinni.
Blaðamaður mbl.is er staddur í Tórínó og fylgist grannt með keppninni úr blaðamannahöllinni.
Systur enduðu atriðið með því að mynda hjarta með höndum sínum. Þá var Elín Eyþórsdóttir, ein systranna, með úkraínska fánann málaðan á hönd sína.